حوار الطرشان
الاول : باردة هالخمسينية .
الثاني : الخمسة بالمية , يا حسرتي شو بدها تغطي لتغطي .
الاول : والله ما عم بيزيد معنا لا حق اكل ولا حق المازوتات .
الثاني :شو شهادات . اخي انته الحق عليك ضروري ولادك يكملوا التعليم وياخدوا الشهادات , حبيبي بهالبلد الشهادات لناس وناس .
الاول : الله وكيلك ما عم يصحلي روح انا وولادي مشوار .
الثاني :الحمدلله راح اصلع ما بعمل سيشوار ولا بحبو .
الاول :طبعا الراتب ما عم بيكفي اي والله لو دوبلو مرتين بدنا نضل نعيش بالدين .
الثاني : انا نزلت عالسوق وسطني مرتي ع لحمة.
الاول : فحمة؟ شو جاي على بالك اركيلة؟
الثاني : يا رجل , لك العضام شو عضام صار سعرها الشي الفلاني .
الاول : لك انا يللي الله بلاني بولاد ايدهن فاروطية و طلباتهن كثيرة , تصور قال بدهن تفاح.
الثاني : ما حدا مرتاح , لك بتشوف البياع عم يتخلق ويتنكت وكانك عم تشتري ببلاش .
الاول : هلأ ايمنا من اجور البيوت .
الثاني : البلوك؟! ما هو لاحق الشمينتو ,وشوف بقا وين صار حق البيت .
الاول :الحقيقة لما دلف السقف رحنا لعند حماتي .
الثاني : انا بدي وسي بعد مماتي يوزعو عن روحي لكل واحد بيقرأ لي الفاتحة نص كيلو سكر .
الاول : اي قوم قوم نلحق البيت احسن ما علينا الباب يتسكر ....
منقول
الثلاثاء ديسمبر 30, 2008 1:30 am
